5/23/2015

"bugada " poetica del mes de Mai

Al mes de mai  a Montpelhièr
 Los aubres  borronan d'un biais particular amb de  fuèlhs de papièr  ont i a  de polits poèmas   entremesclats de dessenhs ninòis  qu' espelisson e fremisson al ventolet de la prima.

La ''bugada'' es espandida sus de còrdas entre los aubres de la plaça. La  Musa   farandolaleja acompanhada del cascalh de la font e dels bresilhadisses dels aucèls.
              Dessenhs e poèmas son lo fruch d'un escambi entre los ainats de "des maisons pour tous âge d'or" e los escolans.
           
 Agachèri... pas de poesias en occitan! res. Damatge! Bèla escasença de veire grelhar l'occitan dins la vila. (se pòt far  a Besièrs una bugada de poesias en occitan.,?).


òsca per aquesta inicitiva. 

Polit mes de mai
  fulhatge de papièr
musica doça

Musa  de mai
 Parpalhòls de papièr
poèmas al vent

Pichòts Haïkus qu' assagi de far en òc de segur.

10/18/2014

Sant Ponç de Tomièras

Una novèla jornada de descobriment a Sant Ponç de Tomièras organizada per la CPAM.
https://www.ameli-sophia.fr/diabete/alaune-diab
Pel repais la surpresa del cosinièr èra pas un repais classat tres estèlas al "guide Michelin'' non mas un entrepan  d'en cò nòstre amb de ' boeuf de Lacaune  tomme des gavachs, compotée d'oignons'.
http://www.linternaute.com/restaurant/diaporama/35025/l-27entrepan-2c-le-burger-d-27ici.html
Plan melhor que son ' frairàs' made in USA
E en mai d'aquò se parlava occitan!
Doas bonas rasons per passar una bona jornada.



10/14/2014

"lo pan- codonh"

Recèpta  qu'es tirada d'un vièlh libre de cosina provencala.
1) far una pasta de pan.
2) lavar lo codonh e manlevar  las granas,  metre  lo sucre al mitan del fruch.
3)rotlar lo fruch dins la pasta e metre dins lo forn e far còire.
 Aquò fa una còca.  Me pareis curiós.

Los Daltons...l'eretatge...Ginhac

Dissabte la vila de Ginhac organizèt un "forum santat" amb la collaboracion de la CPAM.  I aviá fòrça mond .
Benevola a  l'FFD  per l'escasença tota la jornada tornèri amb plaser  a mon mestièr.  Avèm fach  de l'informacion, de descobriments amb una goteta de sang sul det  pas lo temps de bufar lo resultat  es sulpic.
 Foguèri surpresa de veire de glicemias nautas per de gens  que son pas malauts 
_ qu'avètz manjat?  (faguèri pas lo torn tre la debuta) e dins la sala i aviá de lecariás.

Dins la sala èrem a costat de la sortida e d'unes aguèron lo temps de tastar qualquas doçors   patissons, bonbons a mai d'un estand e per engolir lo tot  una bevenda petejaira "from USA" e quora  d'unes arribèron  a nòstre estand faguèron petar la glicemia.
Se lo taus de glucid d'un aliment èra en tròces de sucre, aquò serà melhor  mai concret.  Al mens d'unes faràn  mai méfi. Vaquí un escag de produches amb la piramida de sucre!

 La santat  es dins l'escudèla e bolegatz!


http://www.bombfu.com/non-classe/les-aliments-et-leur-equi

http://www.mangerbouger.fr/bien-manger/la-fabrique-a-menu 
https://www.ameli-sophia.fr/diabete/alaune-diab